Tywysog y Pererinion
Bu Ei Uchelder Brenhinol, Tywysog Cymru, mewn gwasanaeth arbennig yng Nghadeirlan Tyddewi i nodi canmlwyddiant yr Eglwys yng Nghymru.
2020 oedd blwyddyn y canmlwyddiant, ond bu'n rhaid canslo'r dathliadau oherwydd y pandemig.
Ar ei ymweliad cyntaf â'r Gadeirlan ers 2008, bu'r Tywysog hefyd yn ymweld â chysegrfan Dewi Sant, a adnewyddwyd yn 2012, fel rhan o'i daith haf flynyddol o amgylch Cymru.
![Pilgrim Prince Shrine](https://stdavids.contentfiles.net/media/images/5_Shrine_1.width-500.jpg)
.
![Pilgrim Prince 1](https://stdavids.contentfiles.net/media/images/1_Arrival.width-500.jpg)
Yn cyfarch y Tywysog wrth iddo gyrraedd oedd Sara Edwards, Arglwydd Raglaw Dyfed, a Deon Tyddewi, y Tra Pharchedig Ddr Sarah Rowland Jones, yr Is-Ddeon, Canon Leigh Richardson, ac Uwch Esgob Cymru, Esgob Bangor, Y Gwir Barchedig Andy John.
Bu'r Tywysog yn sgwrsio hefyd gyda'r artist a'r crefftwyr oedd yn gyfrifol am adnewyddu'r gysegrfan, yn ogystal â chynrychiolwyr yr Eglwys yng Nghymru, y Gadeirlan a'r gymuned.
![Pilgrim Prince Erw Dewi](https://stdavids.contentfiles.net/media/images/7_Erw_Dewi.width-500.jpg)
![Pilgrim Prince History](https://stdavids.contentfiles.net/media/images/10_History_Book.width-500.jpg)
![Pilgrim Prince Ysgol Penrhyn Dewi](https://stdavids.contentfiles.net/media/images/9_Ysgol_Penrhyn_Dewi.width-500.jpg)
Cyflwynwyd dyblygiad o Rosyn Glyn Rhosyn (un o'r nodweddion ar y gysegrfan) i'r Tywysog, yn ogystal â chopi o Hanes swyddogol yr Eglwys yng Nghymru gan yr Athro Norman Doe a chyflwyniad fideo i deithiau cerdded pererinion o gwmpas penrhyn Tyddewi.
![Pilgrim Prince Walkabout](https://stdavids.contentfiles.net/media/images/11_Walkabout.width-800.jpg)