Etholiadau yr Esgobaeth
Gofynnir i Aelodau’r Gynhadledd Esgobaethol gyflwyno enwebiadau ar gyfer safleoedd etholedig ar fyrddau a phwyllgorau rhanbarthol ac esgobaethol. Rydym yn gobeithio y bydd hyn yn arwain at gynrychiolaeth ehangach ledled yr esgobaeth ac yn annog pobl newydd i gymryd rhan ym mywyd ein heglwys. Cynhelir nifer o etholiadau eleni. Ceir wybodaeth isod.
Gofynnir i chi ddilyn y canllawiau ar y ffurflenni enwebu yn ofalus. Dychwelwch y ffurflenni enwebu a’r Ffurflen Derbyn Ymgeiswyr drwy e-bost at: elections.stdavids@churchinwales.org.uk erbyn canol dydd, 23 Mehefin 2026.
Os na fedrwch ddychwelyd y ffurflenni drwy e-bost gallwch eu dychwelyd drwy’r post erbyn canol dydd, 23 Mehefin 2026:
Cyd-Ysgrifenyddion, Swyddfa’r Esgobaeth, Abergwili, Caerfyrddin, SA31 2JG.
DIM OND AELODAU’R GYNHADLEDD ESGOBAETHOL SY’N MEDRU ENWEBU AC EILIO’R ENWEBEDIG.
MI FYDD Y SWYDDFA’N CYSYLLTU Â PHOB ENWEBWR AC EILIWR I GADARNHAU ENWEBIADAU.
Bydd papurau pleidleisio yn cael eu dosbarthu yn unol â hynny.
BWRDD CYLLID ESGOBAETH TYDDEWI
Pwrpas Bwrdd Cyllid Esgobaeth Tyddewi yw ariannu a chynorthwyo Cenhadaeth a Gweinidogaeth yr Esgobaeth. Mae aelodau’r Bwrdd yn Gyfarwyddwyr ac yn Ymddiriedolwyr (mae’r Bwrdd yn Gwmni Cyfyngedig Drwy Warant ac yn Elusen Gofrestredig). Mae’r Bwrdd yn gweithredu drwy nifer o bwyllgorau ac mae disgwyl bod aelodau yn gwasanaethu ar o leiaf un pwyllgor. Mae’r gyllideb flynyddol a lefel cyfran y weinidogaeth yn cael eu gosod gan y Bwrdd. Yn ogystal â hyn, mae’r Bwrdd hefyd yn rheoli’r eiddo a’r buddsoddiadau sy’n cael eu dal gan y Bwrdd Cyllid. Mae’r Bwrdd fel arfer yn cwrdd pum gwaith y flwyddyn.
2026 - Mae cyfarfodydd y Bwrdd Cyllid ar y dyddiadau canlynol: 1 Gorffennaf,
7 Hydref a 5 Tachwedd.
COLEG ETHOLWYR ESGOBOL
Pwrpas y Coleg Etholwyr Esgobol yw ethol Esgobion ac Archesgob yr Eglwys yng Nghymru. Mae’r Coleg yn gweithredu mewn cytundeb â Chyfansoddiad yr Eglwys yng Nghymru. Mae angen arnom unigolion i lenwi’r gwagleoedd presennol ac i greu rhestr atodol.
Mi fydd y bobl sydd wedi’u henwebu yn llenwi gwagleoedd ar restr yr Etholwyr ac yn creu rhestr atodol o etholwyr. Bydd etholwyr yn cael eu galw yn nhrefn nifer y pleidleisiau y maent yn derbyn. Mae gofyn i chi nodi bydd yr Etholwyr sydd yn gwasanaethu ar hyn o bryd yn cael eu galw’n gyntaf yn y drefn y maent yn ymddangos ar y rhestrau.
Os oes angen ethol Esgob mewn Esgobaeth arall neu Archesgob, mi fydd y tri enw cyntaf (o’r rhestrau clerigwyr a lleygwyr) yn cael eu galw fel Etholwyr. Mae hyn yn meddwl bydd cyfanswm o chwech Etholwr yn cael eu galw. Os oes gwagle yn ein Hesgobaeth ni, yna bydd y chwech enw cyntaf (o’r rhestrau clerigwyr a lleygwyr) yn cael eu galw fel Etholwyr. Mae hyn yn meddwl bydd cyfanswm o ddeuddeg Etholwr yn cael eu galw. Bydd diffyg ethol Etholwyr a rhestr atodol efallai yn meddwl na fydd gan ein Hesgobaeth y cwota llawn o Etholwyr mewn Coleg Etholwyr Esgobol.