Swyddi

Isod mae rhestr o'r swyddi gwag cyfredol yn Esgobaeth Tyddewi.

Disgwylir i ragor o swyddi gwag i aelodau o'r clerigwyr ddod i'r amlwg ledled yr Esgobaeth yn y misoedd nesaf. Os oes gennych ddiddordeb mewn archwilio cyfleoedd o fewn Esgobaeth Tyddewi, rydych yn cael gwahoddiad cynnes i gysylltu â'r Archddiacon perthnasol ar gyfer yr ardal i gael sgwrs anffurfiol a chyfrinachol.

Mae Esgob Tyddewi yn dymuno penodi Archddiacon Tyddewi.
Mae Archddiaconiaeth Tyddewi yn cwmpasu'r rhan fwyaf o Sir Benfro a rhan o Orllewin Sir Gaerfyrddin. Mae'n ardal hynafol a hanesyddol o dystiolaeth Gristnogol sy'n ymestyn yn ôl dros 1500 o flynyddoedd. Mae'n cynnwys dros 100 o eglwysi ac yn gartref i Gadeirlan Tyddewi.
Bydd yr Archddiacon yn gyfrifol am arwain a rhoi cefnogaeth fugeiliol i dros 30 o glerigion cyflogedig, yn ogystal â nifer o Weinidogion Di-gyflog (NSM), Darllenwyr (LLM) a lleygwyr sy'n cyflawni amrywiaeth o weinidogaethau. Bydd yr Archddiacon yn aelod o dîm uwch yr Esgob, gan helpu i lunio'r genhadaeth a'r weinidogaeth ar draws yr esgobaeth. Fel aelod o Fwrdd Cyllid yr Esgobaeth a phwyllgorau eraill, bydd angen i'r Archddiacon fod â llygad am fanylion, parodrwydd i wrando, a meddwl strategol, yn ogystal â bod yn wydn.
Mae'r Esgob yn chwilio am rywun sydd:

-Wedi'i ganolbwyntio ar Grist ac wedi'i wreiddio mewn gweddi
-Yn gallu gweithio'n effeithiol fel rhan o dîm i wireddu gweledigaeth yr esgobaeth
-Yn ymroddedig i anghenion yr Archddiaconiaeth
-Yn sensitif yn fugeiliol, ac yn gallu adeiladu pontydd a datrys anghytundebau
-Gyda phrofiad o weithio'n llwyddiannus dan bwysau
-Yn gallu noddi a meithrin doniau a galluoedd eraill
-Yn gallu annog eraill i ymuno â nhw ym mywyd a gwaith yr eglwys
-Yn gosod esiampl dda o ran cydbwysedd rhwng gwaith a bywyd
-Yn barod i fod yn 'ffrind beirniadol' ac i weithio ar y cyd
-Yn barod i rannu cyfrifoldeb ar y cyd a chefnogi'r uwch-dîm
-Yn deall strwythurau'r esgobaeth ac arweinyddiaeth yr Esgob

Cysylltwch â Chaplan yr Esgob, y Parch. Canon Jonathan Parker, am ragor o fanylion neu sgwrs anffurfiol. Jonathanparker@cinw.org.uk
Dyddiad cau: 2 Hydref
Cyfweliadau: Dydd Iau 15 Hydref

Disgrifiad swydd
Ffurflen gais
Proffil Archddiaconiaeth Tyddewi

Gellir dod o hyd i ragor o wybodaeth am y swydd wag hon drwy ymweld â gwefan yr Eglwys yng Nghymru a dilyn y ddolen hon.