O Enau Plant Bychain…

Esgob John Saxbee sy’n myfyrio ar fwlch rhwng y cenedlaethau sy'n argoeli'n dda ar gyfer y dyfodol

"Chi'n gweld, Esgob John, chi'n hen iawn, a ddim yn deall y pethau ’ma", meddai Dylan pan ofynnais iddo ddangos i mi sut i daflunio clip YouTube ar Sgrin Glyfar fawr yr ysgol ar gyfer y Gwasanaeth roeddwn i’n ei arwain y diwrnod hwnnw.

Mae Dylan, sy'n wyth oed, wedi gallu gwneud y math yma o beth ers ei eni.

Mewn ffordd, roedd e'n iawn. Mae'n debyg bod rhai pethau rydyn ni'n eu cymryd i mewn gyda llaeth ein mam, ys dywed yr hen air, ac mae'n ymddangos yn wir fod babanod heddiw yn cael eu geni'n i fod yn feistri ar TG. Maen nhw'n arbenigwyr cyfrifiadurol o’r crud yn yr un modd ag y gellir disgrifio llawer ohonom bobl hŷn fel Cristnogion o’r crud.

Mae arolygon yn dangos bod llawer llai o Gristnogion o’r crud heddiw - llawer llai wedi'u geni i gartrefi Cristnogol a'u magu i fod yn Gristnogion ymroddedig fel mater o drefn. Mae'r duedd hon yn trosi i’r gostyngiad graddol yng nghanran yr oedolion sy'n arddel ein ffydd.

Ydy hyn yn arwydd o farwolaeth araf Prydain Gristnogol? Na - mae'n arwydd o rôl newydd ac o bosibl hyd yn oed gyfoethocach ar gyfer ffydd mewn byd chwilfrydig sy'n fwyfwy bregus ond hefyd yn fwy rhyng-gysylltiedig, ecolegol sensitif a chwilfrydig yn ysbrydol. Byd lle bydd y rhinweddau a'r gwerthoedd sydd wrth wraidd Efengyl Crist - edifeirwch, adnewyddiad, atgyfodiad, a throsgynoldeb - yn cael eu hailddarganfod mewn rhywbeth tebyg i Ddiwygiad newydd.

Efallai na fydd y rheini ohonom sydd, fel y dywedodd Dylan, yn "hen iawn" yn byw i weld y diwrnod hwnnw ond, yn y cyfamser, mae gennym ran hanfodol i'w chwarae i gadw gwreichion ffydd yn fyw hyd nes y byddant yn cael eu tanio’n fflam go iawn.

(Ymddangosodd yr erthygl hon gyntaf yng nghylchlythyr The Messenger a gyhoeddwyd yn fisol gan Eglwys Sant Martin, Hwlffordd.)