Dyddiadur Person wedi ymddeol

Mae Christopher Lewis Jenkins ar daith unwaith eto

Rwy'n dechrau fy myfyrdodau diweddaraf yn y man lle y gwnes i orffen yn y rhifyn diwethaf gyda fy nghar trydan newydd.

Y tro hwn rwy'n gorfod chwilio'r rhyngrwyd i ddarganfod ble mae'r gorsafoedd gwefru cyflym ar y ffordd i faes awyr Heathrow, wrth i Anne a minnau baratoi i ymweld â'n teulu Americanaidd yn Pensylvania.

Dydw i ddim yn mynd i boeni am faint mae'r car wedi'i wefru oherwydd byddwn wedi cynllunio'r daith (gobeithio!)

Wrth sôn am Americanwyr, fodd bynnag, gallaf ddweud wrthych eu bod yn dioddef prisiau uchel yno hefyd wrth i'w arlywydd geisio cymryd drosodd y byd...a dydyn nhw ddim yn hapus!

Beth bynnag, mae cryn dipyn o amser wedi mynd heibio ers i ni fod yn yr Unol Daleithiau felly rydyn ni'n edrych ymlaen at rywfaint o heulwen braf ac ymweld â llefydd nad ydyn ni wedi bod iddyn nhw o'r blaen; a chael bod gyda'n hŵyr a'n hwyres, wrth gwrs. Mae bron i ugain mlynedd ers i'n merch ymgartrefu yn UDA ar ôl cwrdd â'i gŵr mewn gwersyll haf yn New Jersey. Byddaf felly yn ysgrifennu fy mhwt nesaf yn Pennsylvania ac yn sôn wrthych am y lleoedd y byddwn ni wedi ymweld â nhw.

Rydyn ni’n gobeithio y byddwch chi'n cael rhywfaint o heulwen hefyd.