Pobl Dewi: Rhagfyr 2025

Agored i Dduw:

Eiliad o newid ac adnewyddu

Croeso i Flwyddyn y Genhadaeth.

Bydd y flwyddyn – sy’n ddwy flynedd mewn gwirionedd – yn cael ei datblygu o amgylch digwyddiad penodol mawr a gynhelir ar Faes Sioe Sir Gaerfyrddin ar 23 Mai, dydd Sadwrn y Pentecost 2026. Bydd y Sul canlynol yn gyfle i eglwysi ddathlu yn eu hardaloedd eu hunain.

Bu Sheridan James, Gweinidog Ganon yn Eglwys Gadeiriol Tyddewi, yn nodi manylion cynlluniau’r gweithgor sy’n goruchwylio'r prosiect mewn cyflwyniad i'r Gynhadledd Esgobaethol.

"Adnewyddu a thyfu yw’r thema," meddai. "Y syniad yw ein helpu ni i fod yn fwy cenhadol gan edrych tuag allan."

Wrth wraidd y cyfan mae Code F: Dathlu, Allgymorth, Disgyblaeth, Efengylu, Brawdoliaeth (Celebration, Outreach, Discipleship, Evangelism, Fellowship).

Darllenwch fwy

Gweddïau dros yr Archesgob

Roedd gan dri disgybl o Ysgol Penrhyn Dewi yn Nhyddewi ran flaenllaw yn yr achlysur i orseddu'r Archesgob Cherry Vann yn Eglwys Gadeiriol Casnewydd ar y 9fed o Dachwedd.

Holly Draper (Blwyddyn 10), Padraic Fitzgerald (Blwyddyn 8) ac Eleanor Davies (Blwyddyn 7), arweiniodd y gweddïau ochr yn ochr â chyd-fyfyrwyr o Ysgol yr Eglwys yng Nghymru Teilo Sant, Caerdydd yn dilyn y seremoni orseddu yn ystod y gwasanaeth.

Roedd y gwasanaeth hefyd yn cynnwys y bariton o Sir Gaerfyrddin, Owain Wyn Rowlands, a ganodd y Kyrie Cymraeg a berfformiwyd gan Bryn Terfel yng nghoroni'r Brenin.